அப்துல் காலம் 89வது பிறந்தநாள் குறித்து முதல்வர் பழனிசாமி ட்வீட் செய்துள்ளார்! 

ராமேஸ்வரத்தில் ஏழ்மையான குடும்பத்தில் பிறந்து நாட்டின் குடியரசுத்தலைவர் அரியணையில் ஏறியவர் ஏ.பி. ஜே. அப்துல் காலம். பிரதமரின் அறிவியல் ஆலோசகர், இந்திய விண்வெளி ஆராய்ச்சி நிறுவனத்தின், (ISRO) விண்வெளி பொறியாளர் என பல முக்கிய பொறுப்பு வகித்தவர். கடந்த 1931 ஆம் ஆண்டு அக்டோபர் 15 ஆம் தேதி ராமேஸ்வரத்தில் பிறந்த அப்துல் கலாமின் பிறந்த நாள் உலக மாணவர் தினமாக கொண்டாடப்பட்டு வருகிறது.

இந்நிலையில் அப்துல் காலம் நினைவலைகளை பகிர்ந்து போற்றி புகழ்ந்துள்ளார் தமிழக முதல்வர் பழனிசாமி. இதுகுறித்து அவர் வெளியிட்டுள்ள ட்வீட்டில், “கனவு காணுங்கள், கனவுகளிலிருந்து சிந்தனைகள் பிறக்கும், சிந்தனைகள் செயல்களாகும்” என இளைஞர்களுக்கு என்றும் வழிகாட்டியாக திகழும் காலத்தால் அழியாத டாக்டர் ஏ.பி.ஜே அப்துல் கலாம் அய்யா அவர்களின் 89வது பிறந்தநாளில் அவரை வணங்கி போற்றுகிறேன்” என்று பதிவிட்டுள்ளார் .

முன்னதாக பிரதமர் மோடி, கமல் ஹாசன், டிடிவி தினகரன் உள்ளிட்டோரும் அப்துல் கலாம் குறித்து புகழாரம் சூட்டியது குறிப்பிடத்தக்கது.