அமெரிக்காவில் விசா, பாஸ்போர்ட், ஓசிஐ, இந்திய குடியுரிமை துறப்பு 

அமெரிக்காவில் விசா, பாஸ்போர்ட், ஓசிஐ, இந்திய குடியுரிமை துறப்பு, GEP வெரிபிகேஷன் போன்ற சேவைகளுக்காக விஎஃப்எஸ் குளோபல் (VFS Global) நிறுவனத்தை பிரத்யேக சேவை நிறுவனமாக இந்திய அரசு கடந்த மாதம் நியமித்தது.

இந்நிலையில், விசா, பாஸ்போர்ட், ஓசிஐ, இந்திய குடியுரிமை துறப்பு போன்ற சேவைகளுக்காக அமெரிக்க வாழ் இந்தியர்கள் தங்களது விண்ணப்பங்களை விஎஃப்எஸ் குளோபல் நிறுவனத்தின் மையங்களில் சமர்ப்பிக்கலாம்.



விஎஃப்எஸ் குளோபல் நிறுவனத்துக்கு அட்லாண்டா, வாஷிங்டன் டிசி, நியூ யார்க், சான் பிரான்சிஸ்கோ, சிகாகோ, ஹூஸ்டன் ஆகிய நகரங்களில் அலுவலகங்கள் இருக்கின்றன. இதில் ஏதேனும் ஒரு அலுவலகத்தில் உங்களது விண்ணப்பத்தை சமர்ப்பிக்கலாம்.

தற்போதைய நிலையில் கொரோனா பாதிப்பின் விளைவாக விசா சேவைகள் மட்டும் முடக்கிவைக்கப்பட்டுள்ளன. அமெரிக்காவில் உள்ள இந்திய தூதரகம் வெளியிடும் அறிவிப்புக்கு ஏற்ப மீண்டும் விசா சேவைகள் தொடங்கப்படும் என்று விஎஃப்எஸ் குளோபல் நிறுவனம் தெரிவித்துள்ளது.



நவம்பர் 4ஆம் தேதி முதல் விஎஃப்எஸ் குளோபல் அலுவலகங்களில் இந்திய ஓவர்சீஸ் குடியுரிமை (ஓசிஐ), பாஸ்போர்ட், இந்திய குடியுரிமை துறப்பு, குளோபல் எண்ட்ரி புரோக்ராம் (GEP) ஆகிய சேவைகள் மட்டும் வழங்கப்படும்.



இதன் மூலம் அமெரிக்காவில் வாழும் 40 லட்சத்துக்கும் மேலான இந்தியர்கள் பயனடைவர் என்று எதிர்பார்க்கப்படுகிறது.